View site in Scots

Scots Language Centre Centre for the Scots Leid

The Five Scrolls

15th January 2024

For fowk that haes an intress in releegious warks, owersettin texts, or baith, the’r a rare gaithery o texts no lang set ower fae the Ebrew scripters intae Scots. Hugh S Pyper haes brocht thegither nae less nor five texts – The Sang o Sangs, Ruth, Lamentations, Qoheleth, an Eshter, in ae volume cryed The Five Scrolls an set furth bi Handsel Press. The’r a lang tradeetion o scholars turnin Ebrew, Greek an Latin intil oor mither tongue for sindry ettles, but it’s aye rare tae see a weel-lared scholar eik anither chuckie tae the cairn. Hugh Pyper bides in Orkney an is Emeritus Professor o Bible Lare wi the Versity o Sheffield in Ingland, an ower the years haes set furth poyems in Scots taen fae a nummer o ither leids.

A body can get a guid pree o Pyper’s wark an skeel throu clappin a device on his video reading o the first pairt o Qoheleth/Ecclesiastes bi gait o Youtube  here.

The Five Scrolls can be coft throu the Handsel Press for the price o £10 sae please clap yer device on thair wabsteid at for mair wittins.

The’r a soond file o this story in Scots ablow.

  • The Five Scrolls