29th July 2011
Aa ower ae aipple
The serpent maun crawl in the stoor
An Eve, the original hoor
Maun thole the stouns o Hell
In bearin a bairn
Adam, the puir, glekit body
Fur haein a haun in the hale concern
Wis pitten oot o his gairden
Awa frae his bonnie flooers
An luikin doon, wis affrontit
Tae fin he wis nyaakit
Sae happit his dockum frae sicht.
We ken that Eve ettin the aipple
Caused the hale misfittin affair.
There's iist the ae thing that I'm winnerin
FA PIT THE DAMNT THING THERE?