View site in Scots

Scots Language Centre Centre for the Scots Leid

Highways and Byways

29th August 2008

Highways for eident feet,
That hae their mile to gae;
But byways when spring is sweet,
And bloom is on the slae.

Highways till day is dune,
The girr o’ gear to ca’;
But byways for star and mune,
And wooers twa by twa.

Highways for wheel and whip,
Till rigs are stibblet clear;
But byways for haw and hip,
When robin’s on the brier.
Aye it’s on the highways
The feck o’ life maun gang;
But aye it’s frae the byways
Comes hame the happy sang.

Walter Wingate (1865-1917)

Chosen by the Scottish Poetry Library