Hippen rowe, hippen rowe,
hippen rowe the feeties o’t
I niver kent I hid a bairn
Until I heard the greeties o’t.*

Gin luv war awye like the win
Then naebody wad ken its wint
Some lassies winna coort ava
Bit mine wad lue a regiment!

O hinney hinney wis her kiss
An glintin wis her ee
An she’d be onybody’s joe
Tae set the horns on me.

Amo amras I luved a lass
An she wis tall an slender
Amas amat she caad me flat
An dang me ower the fender.**

*Traditional Scots Bairn-Rhyme Collected by Glenna Simpson, Illinois.
**Traditional Scots Learning-Rhyme, popular at Migvie school, Aberdeenshire, 1880-1890, collected by Lizzie Philip.