Owersettins o haiku
Daybrak.
The storm beeriet
In the snaw
frae Shiro (1742-1813)
In a doon-pish in June
The reef is dreepin
As I gyang tae the wattery
frae Kanro
Ontae the cauld san'
Waves cam breengin
Ooto pit-mirk
frae Aro (1879-1951)
Petals skitter an faa
Frae the boughs
Ben the meen's physog
frae Mokkoku
Tae the sun-rise abune the sea
A cock craws
Its braith, rikkin
frae Takeo (1908-)
A drap o dyew
Gaed the ant
A stammygaster
frae Bosha (1900-)
Snaw in the gloamin
Taps at the yett
The soun is saft
frae Joyo
Ower the stanes
Traivels the sang
O the winter burn
frae Ito
Waukin forrit wi a new-cut flouer
Intae the foreneen sun
Barfit
frae Masao