View site in Scots

Scots Language Centre Centre for the Scots Leid

Oatcakes 'n' Cheese

http://www.scotslanguage.com/

Tam pays The ChielMeister a visit with a quality piece of cheese selected from his very own dairy. While TCM certainly appreciates such conviviality and the tasty prospect of the finest mature morsel before him, he still feels the need to vent and give his strong opinions about just how to best savour the richness of a good piece of cheddar. Tam may wish he never came.

Lyrics:

At tha creek o' day, the sun sheens fine
Git ma milk roon' tae Moray Estates
Back up the brae, doon tae the ferm
It's the hairst the day fur ma aits

Tam'll win at the hoose jist efter 5
Wi a tottie bit crummely cheddar
It's chowin' time, get yer stamach gaan
Ye'll no taste ony better

Bit nixt tae fit ma quine gies me
Wi a cup o' tay an' a scone
The rist o' ye jist aet richt muck
So, here's fit tae eat, c'mon m'n...

Oatcakes 'n' cheese
Oatcakes 'n' cheese
A wee dod o' butter spreid an' a'
Oatcakes 'n' cheese
Ah'll hae mair please
If ye dinna laik yon ye're heid tha ba'

Noo, thir's mony a mannie fit aets a bake
An' thir's mony fit taks the breid
Thir's even thae wi a jammy pancake
Are thae boys wise in the heid?

Dinna gie me shite aboot the creamy crackers
Naither gie me shicht aboot the Tuc
Ah ken fit's the wye 'at ye dinna lyke yer bree
It's a brickelly bake yer needin' ye dotterie ****

Oatcakes 'n' cheese
Oatcakes 'n' cheese
A wee dod o' butter spreid an' a'
Oatcakes 'n' cheese
Ah'll hae mair please
If ye dinna laik yon ye're heid tha ba'

Noo dinna get me wrang, thir's plenty scran
Fit ye kin hae wi yer chai
Crowdie an' a bap, ah'm a richt grand fan
Bit nihing beats the aits an' her's fit wye...

Thay brak up in yer mooth wi the taste o' honey heather
Thir's a marriage made in heaven with the cheeeeese
Fits 'at, ye say thir's better? Shut yer mooth ye auld blether!
Jist sit there an' ate yer mushy peas

Oatcakes 'n' cheese
Oatcakes 'n' cheese
A wee dod o' butter spreid an' a'
Oatcakes 'n' cheese
Ah'll hae mair please
If ye dinna laik yon ye're heid tha ba'

Oatcakes 'n' cheese
Oatcakes 'n' cheese
It's the fare o' tha gods ye ken an' a'
Oatcakes 'n' cheese
Ah'll hae mair please
Ah cud ne'er dee wi oot it at 'a

(Ah jist coudna dee wi'oot ma oatcakes m'n)
(No, no, no, no)
(Ma cheese)

Here m'n, 'r thir ony oatcakes oan the go lyke?