View site in Scots

Scots Language Centre Centre for the Scots Leid

Hamish Imlach - The Calton Weaver/Nancy Whiskey

I'm a weaver, a Calton weaver
I'm a rash and a roving blade;
I've got siller in my pouches
I gang and follow the roving trade

Chorus:
O whiskey, whiskey, Nancy Whiskey
Whiskey, whiskey, Nancy-o.

As I cam in by Glesca city
Nancy Whiskey I chanced to smell
I gaed in, sat doon beside her
Seven lang years I lo'ed her well.

Chorus

The mair I kissed her the mair I lo'ed her
The mair I kissed her the mair she smiled
An' I forgot my mither's teaching
Nancy soon had me beguiled.

Chorus

I woke early in the morning
To slake my drouth it was my need
I tried to rise but I wasna able
Nancy had me by the heid.

Chorus

"C'wa, landlady whit's the lawin?
Tell me whit there is to pay."
"Fifteen shillings is the reckoning,
Pay me quickly and go away."

Chorus

As I went oot by Glesca city
Nancy Whiskey I chanced to smell
I gaed in drank four and sixpence
A't was left was a crooked scale.

Chorus

I'll gang back to the Calton weaving
I'll surely mak the shuttles fly
I'll mak mair at the Calton weaving
Than ever I did in a roving way.

Chorus

Come all ye weavers, Calton weavers
A' ye weavers where'er ye be
Beware of whiskey, Nancy Whiskey
She'll ruin you as she ruined me.

Chorus