Written late evening, Glen Muick

Twa ferlies frae a torn pooch
That fortunes winna save —
Drap man an woman — coins o chance
The derk loch claims them baith.

Aa tyauve, achievement, sweetness, fear
Gang whummlin doon the burn,
Geese-ghaists that cross a haunted muir
An niver mair return.

The puir concerns fowk wrassle wi,
Are bit a fadin flooer
Abeen the ice-the lichtenin splice
The daithless hills staun sure.

They are the overlords o Time
God-testaments in steen.
Man's meltin sna — the hills oweraa
Bide firm, till warlds be deen.