The luggie, or wee dish wi lugs either side for haunles, three o thir luggies maun be lined up in a raw, ane wi ordnar clear watter, ane wi watter melled wi soot, an the third ane wi naething in it. The blinfauld laddie or lassie is set afore the luggies. Thay maun douk ane o the fingrs o the caur haun intil a dish. If the haun douks the clear luggie their mairrage pairtner, it is said, will be a virgin. Hooanever, if the haun douks the sooty luggie the mairrage pairtner will be a weeda or a promisky body. But if the haun lands in the tuim luggie the body will bide unmairried.