On 31 August 2022 the Scottish Revival Network is haudin a day confeerence bi gait o Zoom for tae mark the hunner year fae screivar Hugh MacDairmid haed his first wark set furth, back in 1922. The’ll be twa sessions tae this, ane in the morning, an anither in the efternuin, wi sindry papers gien bi a puckle o academics fae awgaits. The sessions is free but a body maun sign up for tae tak pairt. The morning session, stertin aff at 9.45, will hae intil’t papers fae Patrick Crotty, Scott Lyall, Michael Whitworth an Alan Riach. The efternuin session, stertin at 2pm, an skailin at 4pm, will hae papers fae Alexander Linklater, Fiona Paterson, Alex Thomson, an Jim Benstead.

Please clap on the links gien at the wabsteid o the Scottish Revival Network for tae speir oot mair or sign up for tae tak pairt.

The’r a soond file o this story in Scots ablow.