Dyker Tam Arris tells Billy Kay hou tae big a guid drystane dyke that will lest a hunner year, an speaks aboot his identity wi his mither tongue. Twa poachers fae the Borders blether aboot huntin rabbits.

Billy Kay haes been daein interviews wi fowk in Scots fae the early 1980s. We spiered gin Billy cuid delve intae his soun archive an wale a wheen passages that he felt wes braw examples o the kinna Scots fowk in thir airts spak at the time.  For mair information on Billy, veisit  http://www.billykay.co.uk. Some o the oral history collectit here appears in the quairs edited by Billy and available fae yer local library: Odyssey Voices from Scotlands Recent Past; Odyssey The Second Collection and The Complete Odyssey. As weel as thir buiks,  Billy also scrievit Scots The Mither Tongue which is stull in prent.