View site in Scots

Scots Language Centre Centre for the Scots Leid

Ma Saul an I Gaed Waukin

4th August 2011

Ma saul an I gaed waukin
The burnie flowed alang
We gaithered rowth o ikons
Tae steek intae a dwaum

Ma saul an I stude newsin
“Oh haud the meen fur me
An lowse the towes that tie the tides
Tae her cauld tyranny”

Ma saul tuik wing an left me
The wheels o wirk birred roon
A rose wis bit a ferlie
Fin as the dwaums dinged doon

The rose swalled tae a sunrise
An ben a sunbeam's crack
Alang the howes o fancy
Ma saul cam dauncin back