Perth Day o Culture
The Perth Burns Club is haudin its ordnar day o Scots Life an Culture this year in the Soutar Theatre at the AK Bell Leebrar, in Perth, fae 1pm until a quarter tae five, on Seturday 2 Dezember 2023. Ilka year the club haes this haunling for tae mark Saunt Andra’s Day. MP Pete Wishart, aince in the baund Runrig, will stert the day aff an the’ll be papers fae Jamie Jauncey, Professor Robert Duck, an Dr Kylie Murray anent lettert feegurs, Scots identity, an climate chenge an its affcome tae fowk aroond the Firth o Tey.
The price o ingait is £10, comprehendin tea an coffee, an tickets can either be coft aforehaun throu Concorde Music, 17 Scott Street, Perth (phone 01738 621818) or the Burns Club Secretar, Elliott Boyle, will keep tickets by for ye if ye phone 07709 225480, but a body can get tickets on the door forby.
The’r a soond file o this story in Scots ablow.
Hear Billy Kay
Fowk can noo hear Billy Kay’s Born in Kyle, spoken bi Billy hisel, as a recordit buik forby, an it can coft throu Audible for the price o £18.29, hail runnin time sax houres an forty ane meenits. But, gin ye’r a body that likes like tae try afore the buy, ye can aye clap yer device on this link https://www.audible.co.uk/pd/Born-in-Kyle-Audiobook/B0CNKZ74VP?qid=1700563674&sr=1-1&ref_pageloadid=not_applicable&ref=a_search_c3_lProduct_1_1&pf_rd_p=c6e316b8-14da-418d-8f91-b3cad83c5183&pf_rd_r=VXH1DPAPK0GA1WK5B2BY&pageLoadId=cBMPfcmrNhmItm21&ref_plink=not_applicable&creativeId=41e85e98-10b8-40e2-907d-6b663f04a42d for tae get a bittie pree o it first wi free ingait for 30 days. In this waling, Billy speaks anent the boys that jaloused thay war awa tae play thair hinmaist fitba gemm at the time o the Cuban Crisis o 1962.
The'r a soond file o this story in Scots ablow.