The Aw Kintra Storytelling Fest for Scotland is back, an will run this year fae 14 tae 31 October. Brocht tae ye bi Tradeetional Airts an Culture Scotland – an agency that haes twa-three bodies unner its wing – muckle o the haunling will tak place at the Storytelling Centre for Scotland at nummers 43-45 on the Heich Gait o Embra. The’ll be a hail reenge o haunling gauin on ben the hoose, or ootby an online, an throu aw o Scotland’s ordnar leids – Gaelic, Scots, an Soothron. For fowk that’s ettlin tae attend sindry haunling please check oot the Fest Pass for deals on tickets, tho the’r mony performers that can be seen for free an-aw. Please tak a swatch o the Fest programme ablow for dates, times an places.

For tae speir-oot mair please clap yer device on the wabsteid at www.sisf.org.uk or gie the Storytelling Centre a phone at 0131 556 9579.

The’r a soond file o this story in Scots ablow.