View site in Scots
Flickr YouTube

Scots Language Centre Centre for the Scots Leid

NEW CD O EXCERPTS FAE E NEW TESTAMENT IN DORIC

30th March 2018

In 2012 Gordon M Hay fae Longside in Aiberdeenshire published his translation o e new Testament in Doric, a protick att teuk him sax ear tae win throw. Noo, he his gaithert igither a fyow o e formaist Doric spikkers in a CD o excerpts fae his screivins.

Jesus birth, his sayins, his crucifixion, Peter’s denial, St Paul on “luv” (II Corinthians 13), an mony mair o e weel-kent passages o e new Testament are brocht tae life in e recordin.

E vices come fae different areas o e Doric-spikkin neuk an gie a braid picter o e walth o meesicality in e dialect. Spikkers are Gordon himsel, Ian Forsyth (Mintlaw), Bill Clark (Aiberdeen), Catherine Young (Fyvie) an Allan Johnston (Tyrie). 

Copies o e CD can be gotten fae Mither Tongue, Keith, R&S Dyga Fraserburgh or bi post fae Gordon M Hay, Inverquhomery House, Longside, Peterhead, Aberdeenshire AB42 4TU cost £10 tae include p&p.