View site in Scots
Flickr YouTube

Scots Language Centre Centre for the Scots Leid

Fairm Toun

Cross rinnin watter — turn a nippy neuk
Skiff roon a dyke an wauk a ferny brae
Sheep dover in the gloamin. Rowans, dwaum
The mist amang the birks is furlin, fey.

It rings the fairm biggins like a torc
A hoolet flichtert frae a beech’s fork
Sae saft’s the grey curmurrin o the doos
Bees sikk their skepps, the wechty barley boos.
Heich simmer in the Howe. Page frae perfection, torn
Rigs reeshle, green wi girse, or gowd wi corn!