View site in Scots
Flickr YouTube

Scots Language Centre Centre for the Scots Leid

Wyceness an Luv

Owersettins Freely Made in Scots o Yunus Emre’s Verses o Wyceness an Luv Frae the Inglis settins o his wark in the buik ‘City of the Heart; Screived bi Suha Faiz, 1992 (Element)

UNESCO made 1991 International Yunus Emre Year. Yunus Emre wis a 13th Century Turkish Sufi Mystic.

Fin animate/inanimate are melled
Ye ken nae wint, nae fleg
Science an tcyauvin dwines awa
Aa’s ane. Nae scales. Nae brig.

Rowe yersel in Unity.
Sing its sang richt merrily
Tae leave ahin Duality
Oh thrall, foresweir Identity!

Cast doon yer plaid,
Rin forrit, kin tae Kin
Mirled wi the muckle Ben
Tae ye, aa wyes syne win

Sense is nae langer socht
A single Mou spikks ilkie leid
An ilkie thocht that’s iver Thocht
Comes frae the selfsame Heid
An ilkie claith that’s iver vrocht
Twines frae a single Threid.